-നമ്മുടെ പ്രണയത്തിന്റെ

ഇളം നാമ്പ് നുള്ളിയതാരാണ് ?

രാജാവിന്റെ നഗ്നത കണ്ട്

നിസ്സംഗരാവാൻ നമ്മളെ പഠിപ്പിച്ചതാരാണ്? –

പ്രതികരണശേഷിയിൽ ശസ്ത്രക്രിയയാൽ

ഷണ്ഡത്വം നൽകിയതാരാണ് ?

സെല്ലുലാർ ഫോണിന്റെ മയക്കു വിദ്യയിൽ

നമ്മളെ ഉറക്കിയതാരാണ്?

ചോദ്യങ്ങൾ ചോദിക്കും വരെ

ഉത്തരങ്ങൾ ഉറക്കത്തിലായിരിക്കും.

കരയുന്ന കുഞ്ഞിനു പോലും

ശുദ്ധമായ മുലപ്പാൽ

കിട്ടാതായിട്ട് കാലമേറെയായി.

കുപ്പിപ്പാൽ കുടിച്ചു വളരുന്ന

കുഞ്ഞുങ്ങൾ മദ്യക്കുപ്പിയിലേക്കു

കൈകൾ നീട്ടുന്നു.

പഠിച്ചതു പാടാൻ

അവസരം തിരയുന്നു.