തന്റെ മ്ലാനമുഖം കണ്ടിട്ടാകാം മുത്തശ്ശി പറഞ്ഞു .
”അല്ലാ ..അമ്മുക്കുട്ടി ആകെ വിഷമിക്കേം പേടിക്കേം ചെയ്തൂന്ന് തോന്നണല്ലോ .അയ്യപ്പൻ കൂട്ടിനുണ്ടായത് നന്നായി അല്ലെ ?… എന്താ ഇത്ര വൈകിയത് .”
മുത്തശ്ശിയുടെ സ്വരം തന്നെ മൗഢ്യത്തിൽ നിന്നും ഉണർത്തി . വഴിയിലുണ്ടായ സംഭവമൊന്നും മു
”ബസ് കിട്ടാൻ വൈകി മുത്തശ്ശി ” . മുത്തശ്ശിയുടെ ചോദ്യത്തിനുത്തരമായി പറഞ്ഞു .
”ഇത്രേം വൈകാതെ നേര എത്താൻ നോക്കിക്കോളൂ. അമ്മൂ . ങ്ങാ …ഏതായാലും വേഗം മേൽക്കഴുകി വന്നോളൂ . കാപ്പിയെടുത്തു വച്ചിട്ടുണ്ട് . ”
തന്നെ ചേർത്തു നിർത്തി തലയിൽ തലോടി , മുത്തശ്ശിവാത്സല്യത്തോടെ പറഞ്ഞു .
”ഒരാഴ്ചക്കുള്ളിൽ അമ്മൂ ഒരുപാട് ക്ഷീണിച്ചു . ഇനി രണ്ടു ദിവസം ഇവിടെ നിന്ന് നല്ല ആഹാരോക്കെ കഴിച്ച് മിടുക്കിയായിട്ടു എന്റെ കുട്ടി അങ്ങട് പോയാൽമതി ”.
”ശരി മുത്തശ്ശി . മുത്തശ്ശിടെ അമ്മൂനും ഇപ്പഴാ സമാധാനായത് .അങ്ങിനെപറഞ്ഞുമുത്തശ്ശിയെ കെ
”ഒരു പാവംകൊച്ചാ ശാരദേച്ചി ഇത് . വലിയ ഐ എ എസ് കാരിയൊക്കെ ആകേണ്ട ആൾക്ക് ഇത്രയൊന്നും പോരാ തന്റേടം .”
തിരിഞ്ഞു നോക്കുമ്പോൾ വാത്സല്യം വഴിയുന്ന മുഖവുമായി തന്നെതന്നെ നോക്കിനിൽക്കുന്ന മുത്തശ്ശിയെ ആണ് കാണാൻ കഴിഞ്ഞത്
മുറിക്കകത്തെത്തി മേൽക്കഴുകിക്കഴിഞ്ഞപ്പോൾ ഉത്സാഹമെല്ലാം വീണ്ടെടുത്തിരുന്നു . പിന്നീട് വേഗം ഡ്രസ്സ് മാറി ഊണുമുറിയിലെത്തി . അവിടെ ചിന്താവിഷ്ടയായി മ്ലാനവദനയായി ഇരിക്കുന്ന മുത്തശിയെ കണ്ടു . .
”എന്താ മുത്തശ്ശി വിഷമിച്ചിരിക്കുന്നതു. ?” തന്റെ ചോദ്യം കേട്ട് മുത്തശ്ശി ചിന്തയിൽ നിന്നുണർന്ന് ഞെട്ടിപ്പിടഞ്ഞു നോക്കി.
”എന്താണ് മുത്തശ്ശിയെ അലട്ടുന്ന പ്രശ്നം . എന്നോട് പറയൂ മുത്തശ്ശി”
അരികിലിരുന്ന് നിർബന്ധിച്ചപ്പോൾ മുത്തശ്ശി നിറകണ്ണുകളോടെ പറയാൻ തുടങ്ങി
. ”എന്റെ വിനൂന് . എന്തുപറ്റിയെന്ന് അറിയില്ല കുഞ്ഞേ . ഇത്രയും ദിവസം അവൻ എന്റെ അടുത്തുന്നു മാറി നിന്നിട്ടില്ല . ഇനി അവനു വല്ല അസുഖോ മറ്റോ …ഗിരിജയാണെങ്കിൽ ഒന്നുമെന്നെ വിളിച്ചറിയിക്കണില്ല . ……”
മുത്തശ്ശിയുടെ പെട്ടെന്നുള്ള ഭാവമാറ്റം തന്നെ വിഷമിപ്പിച്ചു . മുത്തശിയെ മുമ്പൊരിക്കലും ഇത്ര ദുഖി:തയായി കണ്ടിട്ടില്ല . വിനുവിന് സംഭവിച്ചതൊന്നും പാവം മുത്തശ്ശി അറിഞ്ഞിട്ടില്ലല്ലോ എന്നോർത്തു . പേരക്കുട്ടികളെ ഇത്രയധികം സ്നേഹിക്കുന്ന മുത്തശ്ശി വിനുവിന് സംഭവിച്ചതൊക്കെ അപ്പോഴപ്പോൾ അറിഞ്ഞിരുന്നുവെങ്കിൽ ഇപ്പോൾ എഴുന്നേറ്റു നടക്കുമായിരുന്നില്ലല്ലോ എന്നും ചിന്തിച്ചു . പക്ഷെ വിനു രക്ഷപ്പെട്ട സ്ഥിതിക്ക് എല്ലാം മുത്തശ്ശിയെ അറിയിക്കണമെന്നു തോന്നി . അടുത്തിരുന്നു മുത്തശ്ശിയെ മെല്ലെ തഴുകിക്കൊണ്ടു പറഞ്ഞു .
”ഞാൻ ഒരു കാര്യംപറഞ്ഞാൽ മുത്തശി വിഷമിക്കരുത് . നമ്മുടെ വിനുക്കുട്ടൻ ഒരു ആക്സിഡന്റ് പറ്റി കഷ്ടിച്ച് രക്ഷപ്പെട്ടതെ ഉള്ളൂ . അവനിപ്പോൾ സുഖമായി ഗിരിജ ചിറ്റയുടെ വീട്ടിലുണ്ട് . ”
”ആക്‌സിഡന്റോ . എന്നിട്ട് നിങ്ങളാരുമെന്നെ അറിയിക്കാതിരുന്നതെന്താണ് .” മുത്തശ്ശി ഒട്ടൊരു ആന്തലോടെ അന്വേഷിച്ചു . അപ്പോൾ നടന്ന കാര്യങ്ങളെല്ലാം വിസ്തരിച്ചു പറഞ്ഞു . വിനുവിന് കുത്തേറ്റു മരണാസന്നനായ കാര്യം പറഞ്ഞപ്പോൾ മുത്തശ്ശി നെഞ്ചത്ത് കൈ വച്ച് വിലപിക്കാൻ തുടങ്ങി .
”എന്റെ വിനുക്കുട്ടന് ഇത്ര വലിയ ആപത്തുണ്ടായിട്ട് ഞാൻ ഒന്നുമറിഞ്ഞില്ലല്ലോ ഈശ്വരന്മാരെ ”’
മുത്തശ്ശിയുടെ കരച്ചിലും വിലാപവും കണ്ട് അമ്പരപ്പോടെ പറഞ്ഞു .
”മുത്തശ്ശി ഇങ്ങനെ വിഷമിക്കുമെന്നു അറിയാവുന്നതു കൊണ്ടാണ് ഞങ്ങൾ മുത്തശ്ശിയിൽ നിന്നും എല്ലാം മറച്ചു വച്ചത്. ഇന്നിപ്പോൾ വിനു സുഖമായിട്ടിരിക്കുന്നു മുത്തശ്ശി. അവൻ വലിയൊരു ആപത്തിൽ നിന്നുമാണ് രക്ഷപ്പെട്ടത് . .ഗിരിജചിറ്റയുടെയും മറ്റുപലരുടെയും പ്രാർത്ഥന അവനോടൊപ്പം ഉണ്ടായിരുന്നു . മുത്തശ്ശിയും ഒന്നുമറിയാതെയാണെങ്കിലും അവനു വേണ്ടി പ്രാർത്ഥിച്ചിരുന്നുവല്ലോ . ”
”ശരിയാണ് മോളെ . കഴിഞ്ഞ കുറെ ദിവസങ്ങളായി എന്റെ മനസ്സിൽ എന്തെന്നില്ലാത്ത ഒരാധി നിറഞ്ഞിരുന്നു . നിങ്ങൾ രണ്ടുപേരെയും ഓർത്തായിരുന്നു ആധി കൂടുതൽ . ഇന്ന് അമ്മൂനെ കണ്ടപ്പോൾ അത് കുറെയൊക്കെ മാറി . പിന്നെ അത് വിനുക്കുട്ടനെക്കുറിച്ചായി . അതാണ് നിന്നോട് ഞാൻ എന്റെ വിഷമം പറഞ്ഞത് . ” മുത്തശ്ശി കണ്ണുതുടച്ചു . ‘ ‘ ”ഞാൻ പറഞ്ഞില്ലേ മുത്തശ്ശി , അവനെക്കുറിച്ചു ഒരാധിയും വേണ്ടെന്നു . ഇപ്പോൾ കുറച്ചുദിവസത്തെ പൂർണ വിശ്രമം അവനാവശ്യമുണ്ട് . ആരോഗ്യം വീണ്ടെടുത്തു കഴിഞ്ഞാൽ അവൻ മുത്തശ്ശിയുടെ അടുത്തേക്ക് ഓടി വരും. ഇനി ഒരു സന്തോഷവാർത്തമാനം കേട്ട് കഴിയുമ്പോൾ മുത്തശ്ശിയുടെ എല്ലാ വിഷമവും പമ്പ കടക്കും . ”
”അതെന്താ അമ്മൂ അത്ര നല്ല വർത്തമാനം ?. വേഗം പറയൂ ”.
”ഈ ഓണത്തിന് അച്ഛനുമമ്മയും രെഞ്ചുവും ഇവിടെയെത്തും …
”ഓണത്തിനോ . അതിനിനി കുറച്ചുദിവസ്സങ്ങളല്ലേ ഉള്ളൂ അമ്മൂ. ഓണത്തിനിടക്ക് നിന്റെ പിറന്നാളും പിന്നെ മുത്തശ്ശ ന്റെ നവതിയും വരികയല്ലേ ”
. ”അതെ മുത്തശ്ശി . മുത്തശ്ശന്റെ നവതി ഇത്തവണ നമുക്ക് ആഘോഷമായി കൊണ്ടാടണം .” . അതുപറഞ്ഞപ്പോളോർത്തു . ഇത്തവണ മനുവേട്ടനെയും കുടുംബത്തെയും വിളിക്കണം. . അക്കാര്യം അല്പം ആശങ്കയോടെ സൂചിപ്പിച്ചപ്പോൾ മുത്തശ്ശിപറഞ്ഞു .
”അതിനെന്താഅമ്മൂ ……ശ്രീദേവിവാരസ്യാരുമായുള്ള ബന്ധം ഇന്നൊ ഇന്നലെയോ തുടങ്ങിയതല്ല . അച്യുതവാര്യരുള്ളപ്പോൾ തുടങ്ങിയതാ ആ ബന്ധം . ഇവിടത്തെ മുത്തശ്ശനും അദ്ദേഹവും നല്ല സുഹൃത്തുക്കളായിരുന്നു. . മേലാളർ, കീഴാളർ എന്നുള്ള വിടവ് അവർക്കിടയിലുണ്ടായിരുന്നില്ല . അവരെ വിളിക്കുന്നതിൽ എനിക്ക് സന്തോഷേ ഉള്ളൂ . ”
അത് കേട്ടതോടെ മനസ്സു നിറഞ്ഞു . ഇനി അച്ഛനുമമ്മക്കും മുത്തശ്ശനുമൊന്നും ഇക്കാര്യത്തിൽ എതിർപ്പുണ്ടാകുമെന്നു തോന്നുന്നില്ല . ഒരു പഴയ സൗഹൃദം പുതുക്കൽ കൂടി ആകുമത് . പെട്ടെന്ന് തോന്നിയ ആഹ്ലാദത്തിൽ മുത്തശ്ശിയെ കെട്ടിപിടിച്ചു പറഞ്ഞു .
”ഇത്തവണ എനിക്ക് പത്തുദിവസത്തെ ലീവുണ്ട് . അപ്പോൾ പിന്നെ എല്ലാവരുമായി ചേർന്ന് കേമമായിത്തന്നെ നമുക്ക് ഓണമാഘോഷിക്കാം ”.
”എന്റെ അമ്മു അടുത്തുള്ളപ്പോൾ എനിക്കെന്നും ഓണമല്ലേ” അങ്ങിനെപറഞ്ഞു മുത്തശ്ശി ചിരിച്ചു . നിലാവുപോലെയുള്ള ആപുഞ്ചിരി! ….. അതോടെ മനസ്സിൽ നിറഞ്ഞിരുന്ന വൈക്ലബ്യമെല്ലാം ഓടിമറഞ്ഞു . വരാനിരിക്കുന്ന ദിനങ്ങളെ ഓർത്തു മനസ്സിൽ ഉണർവും ആഹ്ലാദവും നിറഞ്ഞു കവിഞ്ഞു . പക്ഷെ അടുത്ത നിമിഷം മനസ്സിലെ സന്തോഷത്തെ ഊതിക്കെടുത്തിക്കൊണ്ടു മുത്തശ്ശിയുടെ വാക്കുകളെത്തി ”
‘ ”എനിക്കറിയാം അമ്മൂന്റെ മനസ്സിലെന്താണെന്നു . അത് പക്ഷെ നടക്കുമോന്നു മുത്തശ്ശിക്കും സംശയമുണ്ട് മോളെ . നീ ആ ആഗ്രഹമുപേക്ഷിക്കുന്നതാണ് നന്ന് . ”
അതുകേട്ടപ്പോൾഅറിയാതെ കണ്ണുകൾ നിറഞ്ഞു. . എങ്കിലും പെട്ടെന്ന് സ്വയം നിയന്ത്രിച്ചു കൊണ്ട് പറഞ്ഞു .
”അയ്യേ ഈ മുത്തശ്ശിക്കെന്താ …ഞാൻ അതൊന്നുമല്ല മുത്തശ്ശി ചിന്തിച്ചത് . അച്ഛനുമമ്മയും വരുമ്പോൾ എന്റെ ക്ലാസ് കുറെ കട്ട് ചെയ്യേണ്ടി വരുമല്ലോ എന്നോ ർത്തതാ ”
വിദഗ്ദ്ധമായി കള്ളം പറയുമ്പോൾ അല്പം കുറ്റബോധം തോന്നാതെ ഇരുന്നില്ല എങ്കിലും മുത്തശ്ശിയുടെ സന്തോഷം കെടുത്തണ്ടല്ലോയെന്നു കരുതി , സന്തോഷം നടിച്ച് പറഞ്ഞു ‘
”വരൂ മുത്തശ്ശി , എന്തെങ്കിലും കഴിക്കാൻ തരൂ ..ഒരാനയെ തിന്നുവാനുള്ള വിശപ്പുണ്ട് . ”
മുത്തശ്ശി അപ്പോൾ പുഞ്ചിരിച്ചു കൊണ്ട് തന്നോടൊപ്പം നടന്നു .
”ഹോ ഇപ്പോഴെങ്കിലും മുത്തശ്ശി ചിരിച്ചു കണ്ടല്ലോ . ഈ പ്രായത്തിലും മുത്തശ്ശിയുടെ ചിരി കാണാൻ എന്ത് ഭംഗിയാണെന്നോ ”താൻ മുത്തശിയെ മുഖസ്തുതി കൊണ്ട് മൂടി
. ”ഉം വേണ്ട ..വേണ്ട എന്നെ സ്തുതിച്ചു വീഴ്ത്താനൊന്നും നോക്കേണ്ട ”. മുത്തശ്ശി തന്നെ കളിയാക്കി . താൻ അത് വെറുതെ പറഞ്ഞതല്ലായിരുന്നു നിലാവുദിച്ച രാത്രിയിൽ മുല്ലപ്പൂ വിടർന്നു പരിമളം പരത്തുന്നതുപോലെ മനോഹരമായിരുന്നു ശാരദ മുത്തശിയുടെ ചിരി. ആ ചിരി ഒരിക്കലും മായരുതെന്നു താനാഗ്രഹിച്ചു .
അങ്ങിനെ സന്തോഷഭരിതമായ ആ ദിനങ്ങൾ ഓടിയെത്തി .തിരുവോണത്തിന് മൂന്നു നാലു ദിനങ്ങൾ മുന്നേ അച്ഛനുമമ്മയും രഞ്ജുവും നെടുമ്പാശ്ശേരിയിൽ ഫ്ലൈറ്റ് ഇറങ്ങി. . ഒരു ടാക്സി പിടിച്ചു അവർ കൈതാരത്തെത്തി. . കാർ പടിക്കലെത്തിയ ഉടനെ താനോടിച്ചെന്നു. . കാറിൽ നിന്നുമിറങ്ങുന്നവരെ കണ്ടപ്പോൾ സന്തോഷം കൊണ്ട് കണ്ണുകൾ നിറഞ്ഞു .ദേവികയുടെ കണ്ണുകളും നിറഞ്ഞു
”. എത്ര നാളായി നിന്നെ കണ്ടിട്ട് . നീയങ്ങു ക്ഷീണിച്ചു പോയല്ലോ മോളെ ”
”അവൾ പഠിച്ചു പഠിച്ചു ക്ഷീണിച്ചതായിരിക്കും ദേവികേ , സാരമില്ല ഐ എ എസ് കിട്ടിക്കഴിയുമ്പോളവളുടെ ക്ഷീണമെല്ലാം പമ്പ കടക്കും അല്ലെ മോളെ” മാധവന്റെ ചോദ്യവും പറച്ചിലും കേട്ടിട്ട് എല്ലാവർക്കും ചിരി വന്നു . അച്ഛനെ കെട്ടിപിടിച്ചു പറഞ്ഞു .
”അച്ഛനും വല്ലാതെ ക്ഷീണിച്ചു . എന്റെ അച്ഛനേയുംഅമ്മയെയും രഞ്ചുവിനെയുമൊക്കെ കണ്ടിട്ട് ഒരുപാട് നാളായതു പോലെ ”
. ” പ്രിയേച്ചി വീട്ടിൽ നിന്നും പോന്നതില്പിന്നെ ഒരു രസവുമുണ്ടായിരുന്നില്ല . വീടുറങ്ങിയത് പോലെ . ”രഞ്ജുവിന്റെ വാക്കുകൾ കേട്ട് പ്രിയ അവളെയും ആലിംഗനം ചെയ്തു .
” നീയും ഒരുപാട്ക്ഷീണിച്ചതു പോലെ .നിന്റെ തടിയൊക്കെ എവിടെപ്പോയി മോളെ ..”
”എന്തെങ്കിലുമൊക്കെ തമാശ പറയാനും പൊട്ടിച്ചിരിക്കാനും ഇഷ്ടമുള്ള ആഹാരം തട്ടിപ്പറിച്ചു തിന്ന് വഴക്കിടാനുമൊക്കെ പ്രിയേച്ചിയുള്ളപ്പോൾ എന്ത് രസായിരുന്നു . എനിക്കിപ്പോ ഒറ്റക്കിരുന്നു ഒന്നും കഴിക്കാൻ തോന്നാറില്ല . അതാ ക്ഷീണിച്ചു പോയത്” .
അത് കേട്ട് എല്ലാവരും ചിരിച്ചു . മുറ്റത്തു നിന്നും ചിരിയുംവർത്തമാനവും കേട്ട് മുത്തശ്ശി ഓടിവന്നു
”അല്ല , എല്ലാരും എത്തീല്ലോ . എത്ര നാളായി എല്ലാരേയും കണ്ടിട്ട് ”. മുത്തശ്ശി സന്തോഷഭരിതയായി ചോദിച്ചുകൊണ്ട് പൂമുഖത്തെത്തി .
”അല്ല അമ്മയും വല്ലാണ്ടങ്ങിട് ക്ഷീണിച്ചുവല്ലോ . ഇവള് അമ്മയെ ഒരുപാട് പാടുപെടുത്തണുണ്ടെന്നു തോന്നണു ”മാധവൻ ചോദിച്ചു
”ഇവളെടുത്തുള്ളത് കൊണ്ടു എനിക്ക് സന്തോഷേ ഉള്ളൂ മാധവ. ഞാൻ അല്പം കൂടി വണ്ണം വച്ചൂന്നാ ഇപ്പൊ എനിക്ക് തോന്നാറുള്ളത് … ദേവിക ഏതായാലും വണ്ണം വച്ചൂട്ടോ.. ഇവിടന്നുപോകുമ്പോൾ എത്ര ക്ഷീണിച്ചിരുന്നതാ … രണ്ഞു മോൾ പക്ഷെ ക്ഷീണിച്ചുപോയി . പഠിത്തത്തിന്റെ ആയിരിക്കും അല്ലെ ? ഇവിടെ പ്രിയയും അതുതന്നെയാ ക്ഷീണിക്കാൻ കാരണം . പിന്നെ അങ്ങോട്ടുമിങ്ങോട്ടുമുള്ള അലച്ചിലും . ഇവിടെ വരുമ്പോൾ ഞാൻ വല്ലതും നിർബന്ധിച്ച് കഴിപ്പിക്കും . പിന്നീട് ഹോസ്റ്റലിലേക്ക് പോയി വരുമ്പോൾ വീണ്ടും പഴയ പടി ആയിരിക്കുന്നത് കാണാം. . എന്താ ചെയ്ക ?”
.മത്തശ്ശി അങ്ങിനെ പറഞ്ഞു പ്രിയയെ നോക്കി . അപ്പോൾ മാധവൻ ചിരിച്ചു കൊണ്ട് പറഞ്ഞു .
”ഇവൾ ഐ എ എസ് ഒന്നെടുത്തോട്ടെ അമ്മെ .. എന്നിട്ട് വേണം നല്ലൊരു ചെക്കനെ കണ്ടു പിടിച്ചു നമുക്കിവളെ കെട്ടിക്കാൻ . അപ്പൊ ഇവള് തന്നത്താൻ ആരോഗ്യം നോക്കാൻ പഠിച്ചോളും ”മാധവന്റെ വാക്കുകൾ കേട്ട് എല്ലാവരും ചിരിച്ചു . ”
അങ്ങിനെ കുശലാന്വേഷണങ്ങളും പൊട്ടിച്ചിരികളും കൊണ്ട് അന്തരീക്ഷം മുഖരിതമായി . . വളരെ നാളുകൾക്കു ശേഷം വീടുണർന്നതു പോലെ . പക്ഷെ അല്പനേരത്തേക്കു നീണ്ടു നിന്ന ആ സന്തോഷം കാർത്തികവല്യമ്മ വന്നതോടെ ഇല്ലാതെയായി .
”കാർത്തികേച്ചി പഴയതു പോലെ തന്നെയുണ്ട് . ഒട്ടും നന്നായില്ലാട്ടോ. . പഴയതിനേക്കാൾ വയസ്സും തോന്നിക്കണുണ്ട് ”’അമ്മ വാതിൽക്കൽ നിന്ന കാർത്തിക വല്യമ്മയുടെ അടുത്തെത്തി പറഞ്ഞു . അതുകേട്ട് മുത്തശി പറഞ്ഞു .
”വേണ്ടാട്ടോ ദേവികെ അവളോട്‌ അങ്ങിനെയൊന്നും പറയണ്ട . പിന്നെ അതുമതി ഇന്ന് മുഴുവൻ കരഞ്ഞോണ്ടിരിക്കാൻ ”
പെട്ടെന്ന് എല്ലാവരുടെയും മുഖം മ്ലാനമായി . അമ്മ കാർത്തിക വല്യമ്മയുടെ സമീപമെത്തി പറഞ്ഞു .
‘സോറി കാർത്തികേച്ചി . ഞാൻ ഒന്നും ഓർത്തു പറഞ്ഞതല്ല . കാർത്തികേച്ചി എന്നെ തെറ്റിദ്ധരിക്കരുത് . ”
”എനിക്കെന്തു തെറ്റുധാരണ കുട്ടി . അങ്ങിനെയൊന്നും എനിക്ക് തോന്നീട്ടില്ല ..എല്ലാം എന്റെ വിധി. അല്ലാതെ ഞാൻ ആരെയും പഴിക്കണില്ല . ഇല്ലെങ്കിൽ ഒരു കുഞ്ഞിക്കാലെങ്കിലും ദൈവം എന്നെ കാണിക്കുമായിരുന്നില്ലേ . ഒക്കെക്കും ഒരു യോഗം വേണം കുട്ടി ..അത്രേ ഞാൻ വിചാരിച്ചുള്ളൂ ” നിറഞ്ഞ കണ്ണുകൾ തുടച്ചു മുഖത്ത് പ്രസന്ന ഭാവം വരുത്തി വല്യമ്മ പറഞ്ഞു .
”കാർത്തികേച്ചിയുടെ മക്കളല്ലേ ഇവരെല്ലാം . പ്രിയയെ ഞങ്ങളിവിടെ നിർത്തിയിരിക്കുന്നത് കാർത്തികേച്ചിക്കും കൂടി വേണ്ടീട്ടല്ലേ . കാർത്തികേച്ചി പഴയതെല്ലാംമറന്നു സന്തോഷായിട്ടിരിക്കണം . അതായിരിക്കും അമ്മയ്ക്കും അച്ഛനും സന്തോഷം . ”
അമ്മ വല്യമ്മയുടെ നിറഞ്ഞ കണ്ണുകൾ തുടച്ചുകൊടുത്തു .പിന്നെ പെട്ടെന്ന് അകത്തേക്ക് നോക്കി പറഞ്ഞു . ”അല്ല അച്ഛനെ കണ്ടില്ലല്ലോ …വരൂ …നമുക്കച്ഛന്റെ അടുത്തേക്ക് പോകാം .”