ഒരു മൂളല് കേട്ടതാണ്
ആ മരത്തോട്
കാതുകള് ചേര്ത്തുവെയ്ക്കാന്
ഇടയാക്കിയത്.
കടലിരമ്പം പോലെ
അതില് നിന്നെന്തൊക്കെയോ
ഉച്ചത്തിലും ചൂളം വിളിയുമായി
കോലാഹലമുയര്ന്നുകൊണ്ടേയിരുന്നു
പതുക്കെ
മുടി വകഞ്ഞുമാറ്റി
മേലോട്ടു നോക്കുമ്പോള്
ഇലകള് കൊഴിഞ്ഞുവീഴുന്നു.
തലതാഴ്ത്തി തിരിഞ്ഞു നടക്കുമ്പോള്
ശിഖരങ്ങള് അടര്ന്നു വീഴുന്നു.
നോട്ടം
ഇടത്തോട്ടും വലത്തോട്ടും
ഓടി വന്നെത്തുമ്പോള്
ആ മരം
അപ്രത്യക്ഷമായിരിക്കുന്നു.
—————–
—————–